Аргентынскія ўлады: на 2016 год прадугледжаны візіт Папы ў Аргентыну
Аргентынскія ўлады
афіцыйна пацвердзілі паведамленні мясцовых СМІ аб запланаваным візіце папы Францішка
ў яго родную краіну ў 2016 г. Пасол Аргентыны пры Святым Пасадзе Хуан Пабла Каф’ера
сказаў 18 лютага 2014 г. у інтэрв’ю радыёстанцыі “Del Plata”, што “на 2016 г. прадугледжаны
візіт Папы ў Аргентыну”. У горадзе Тукуман ён хоча прыняць удзел у Эўхарыстычным кангрэсе.
Іншай падставай для пілігрымкі будзе святкаванне 200-годдзя дзяржаўнай незалежнасці
Аргентыны.
Трэба адзначыць, што ў першы год свайго пантыфікату папа Францішак
здзейсніў толькі адзін візіт за мяжу – на Сусветныя дні моладзі ў Рыа-дэ-Жанейра ў
ліпені 2013 г. У 2014 г. яго чакаюць два міжкантынентальных падарожжы – у канцы мая
ў Святую Зямлю і ў канцы лета ў Карэю.