У сталіцы Малдовы
Кішынёве была адкрыта першая ў краіне каталіцкая сямейная кансультацыя. “Каталіцкі
Касцёл у Малдове адзначае тэрміновую неабходнасць адраджэння сямейных каштоўнасцяў
у краіне, дзе колькасць распада сем’яў вялікая і дзе само чалавечае жыццё патрабуе
асаблівай абароны”, - адзначыў на цырымоніі адкрыцця цэнтра Біскуп Кішынёўскі Антон
Коша. Іерарх падкрэсліў, што адкрыццё кансультацыі адбываецца ў год, у які папа Францішак
пажадаў правесці Сінод Біскупаў на тэму сям’і. Форум пройдзе ў Ватыкане 5-19 кастрычніка
2014 г. Звяртаючыся да навучання Пантыфіка, біскуп адзначыў, што дзякуючы гэтай новай
структуры Касцёл зможа “дакрануцца да пакутуючага цела малдоўскага народа і служыць
яму”.
Першая каталіцкая сямейная кансультацыя ў Малдове была адкрыта дзякуючы
ініцыятыве дабрачыннага фонда “Regina Pacis” і паклікана служыць сем’ям, абароне жыцця,
падтрымліваць інвалідаў і быць побач з тымі, хто жыве ва ўмоваў сацыяльнага недабрабыту.
На
інаўгарацыі цэнтра прысутнічаў віцэ-старшыня Хрысціянскага працоўнага руху Італіі
Антоніа Дэ Матэа, які зрабіў значыны ўнёсак у рэалізацыю праекта. У працы кансультацыі
будуць задзейнічаны малдаўскія спецыялісты – педагогі, псіхолагі, сямейныя дарадчыкі,
кансультанты па юрыдычных і этычных пытаннях. Ім будуць дапамагаць італьянскія валанцёры.
Сямейная
статыстыка ў Малдове даволі трывожная: каля 150 тыс. дзяцей знаходзяцца далёка ад
сваіх бацькоў з-за працоўнай міграцыі; трэцця частка ўсіх сужэнства распадаецца; аборт
лічыцца нормай кантрацэпцыі.