Бэнэдыкт XVI выбраў найлепшы спосаб працягваць служыць Касцёлу
Адстаўка, як і ўвесь
пантыфікат Бэнэдыкта XVI, былі натхнёныя ІІ Ватыканскім Саборам, перакананы вядомы
тэолаг, італьянскі арцыбіскуп Бруна Фортэ. У інтэрв’ю Ватыканскаму радыё іерарх адзначыў,
што стыль пантыфікату папярэдняга Папы быў натхнёны адзінай мэтай – выканаць волю
Бога. Ён ніколі не імкнуўся да таго, каб дагадзіць натоўпу. Гэта чалавек, які жадаў
“духоўнай рэформы Касцёла”. І ў гэтым сэнсе яго адстаўка была “актам паслушэнства
факту пачуцця адсутнасці сіл”; “гэта быў акт глыбокай сумленнасці”, лічыць арцыбіскуп.
Іерарх адзначыў, што Бэнэдыкт XVI – гэта “герой Сабору”, “Сабор з’яўляецца часткай
яго ДНК”. Менавіта гэта было “моцным бокам” папярэдняга пантыфікату, які стаў “часам
вялікага навучання”. Арцыбіскуп Фортэ назваў Бэнэдыкта XVI “вялікім катэхізатарам”
і “айцом сучаснага Касцёла”. Зараз для яго надышоў “час маўчання”, які ён абраў сам,
адчуваючы адсутнасць сіл. Ён выбраў найлепшы спосаб працягваць служыць Касцёлу, адзначыў
італьянскі іерарх.