Арцыбіскуп Зімоўскі падзякаваў валанцёрам у Сусветны дзень хворага
11 лютага 2014 г.
у 22-гі раз адзначаецца Сусветны дзень хворага. Папа заявіў у нядзелю, што “шчодрае
і хрысціянскае стаўленне да хворых з’яўляецца соллю зямлі і святлом свету”. Як адзначыў
арцыбіскуп Зыгмунт Зімоўскі, які ўзначальвае Папскую раду пастырства работнікаў сферы
аховы здароўя, Ян Павел II заснаваў Сусветны дзень ва ўспамін Маці Божай з Лурду,
і менавіта там ён святкаваўся ў першы раз. “Устанаўліваючы Сусветны дзень хворага,
наш Папа падкрэсліў, што ён накіраваны на павышэнне ўвагі каталіцкіх устаноў, якія
працуюць у галіне аховы здароўя, і грамадства да неабходнасці забеспячэння лепшага
догляду за хворымі”, - сказаў іерарх Ватыканскаму радыё. Паводле яго, варта ў гэтым
кантэксце паглядзець на нашы бальніцы, каб зрабіць іх больш даступнымі для тых, хто
мае ў іх патрэбу, без доўгіх чэргаў. Старшыня Папскай рады адзначыў, што гэта ў цяперашні
час – вялікая праблема.
“Мэтай Сусветнага дня хворага з’яўляецца ўключэнне
ў душпастырства аховы здароўя хрысціянскіх супольнасцяў, манаскіх кангрэгацый і падтрымку
ўдзелу валантарыяту, што становіцца ўсё больш запатрабаваным”, - нагадаў арцыбіскуп
Зімоўскі. Ён падзякаваў валанцёрам, якія працуюць па ўсім свеце сярод хворых і тых,
хто пакутуе.