ஆப்கானிஸ்தானில் உள்நாட்டுப் போரில் பொதுமக்கள் உயிரிழப்பு அதிகரித்துள்ளது

பிப்.10,2014. ஆப்கானிஸ்தானில் உள்நாட்டுப்போர்களால் பொதுமக்கள் உயிரிழந்துள்ளது மற்றும் காயமடைந்துள்ளது கடந்த ஆண்டில் 14 விழுக்காடு அதிகரித்துள்ளதாக ஐ.நா. நிறுவனம் தன் அறிக்கையில் கூறியுள்ளது.
கடந்த ஆண்டு ஆப்கானிஸ்தானில் உள்நாட்டு மோதல்கள் தொடர்பாக 2959பேர் உயிரிழந்துள்ளதாகவும், 5656 பேர் காயமடைந்துள்ளதாகவும் கூறும் ஐ.நா. அறிக்கை, இறப்புகளை பொருத்தவரையில் 7 விழுக்காடும், காயமடைந்தவர்களை பொருத்தவரையில் 17 விழுக்காடும் அதிகரித்துள்ளதாகத் தெரிவிக்கிறது.
2009ம் ஆண்டு முதல் ஆப்கானிஸ்தானில் உள்நாட்டுப்போரில் 14,064 பொதுமக்கள் தங்கள் உயிரைப் பலிகொடுத்துள்ளனர், பல ஆயிரக்கணக்கானோர் காயமடைந்துள்ளனர்.

ஆதாரம் : UN