75-годдзе з дня смерці Пія ХІ: адважны Пантыфік і энтузіяст у сферы камунікацыі

10 лютага 1939 г., 75 гадоў таму, памёр папа Пій ХІ – адважны Пантыфік і вялікі энтузіяст у сферы камунікацыі. Ён знаходзіўся на пасадзе Біскупа Рыма у складаны гістарычны перыяд – з 1922 па 1939 гг. Папа быў сведкам устанаўлення таталітарных рэжымаў у Еўропе, але не заставаўся маўклівым перад абліччам шматлікіх трагедый, якія перажыва чалавецтва. Ён намагаўся зрабіць голас Касцёла чутным і смелым перад сілам гэтага свету. Адной з галоўных падзей яго пантыфікату стала падпісанне канкардата з Італьянскай дзяржавай, наступствам якога стала ўтварэнне Дзяржавы Ватыкан. Яшчэ з 1870 г. адносіны паміж Італіяй і Святым Пасадам былі спынены, і хоць час ад часу ўзнікалі памкненні да прымірэння, ніхто не знаходзіў адвагі зрабіць больш рашучыя крокі. Пій ХІ стаў інаватарам і ў кароткі па гістарычных мерках час закрыў так званае “рымскае пытанне”.

У 1931 г. ён выступіў з рашучым пратэстам супраць дзеянняў фашысцкага рэжыму на Апенінах. Папа напісаў ліст пад назвай “Non abbiamo bisogno” (Не маем патрэбы), у якім асудзіў умяшанне італьянскай дзяржавы ў справы Каталіцкага Касцёла.

Пій ХІ быў рашучым праціўнікам гітлераўскага рэжыму. Хоць ён не паспеў дапісаць энцыкліку з асуджэннем расізма і антысемізма, менавіта ў гады яго пантыфікату ў Германіі быў распаўсюджаны Апостальскі ліст “Mitt brennender Sorge”, які асуджаў нацызм. Пію ХІ належыць знакаміты выраз: “Духоўна мы ўсе семіты”.

Менавіта па ініцыятыве Пія ХІ у 1931 г. было заснавана Ватыканскае радыё, што сведчыць пра яго вялікую адкрытасць нас свет. Ён марыў, каб евавангельскае пасланне дасягнула самых далёкіх куткоў планеты.