2014-02-06 08:42:04

വിവാദ സിനിമ മാർപാപ്പ കാണില്ല


05 ഫെബ്രുവരി 2014, വത്തിക്കാൻ
മാർപാപ്പ സിനിമ കാണാറില്ലെന്ന് വത്തിക്കാൻ വക്താവ് ഫാ.ഫെദറിക്കോ ലൊംബാർദി. വിവാദമായ ഒരു സിനിമ മാർപാപ്പ കാണുമെന്ന വാർത്തകളോട് പ്രതികരിക്കുകയായിരുന്നു അദ്ദേഹം. ഒരു സന്ന്യസ്ത സമൂഹത്തെ രൂക്ഷമായി വിമർശിക്കുന്ന ‘ഫിലോമിന’ എന്ന സിനിമയുടെ സ്വകാര്യ പ്രദർശനത്തില്‍ പാപ്പ പങ്കെടുത്തേക്കുമെന്ന വാർത്ത പ്രചരിച്ചതിനെ തുടർന്നാണ്, മാർപാപ്പ സിനിമ കാണാറില്ലെന്നും ഈ സിനിമ പാപ്പ കാണുന്നില്ലെന്നും വ്യക്തമാക്കിക്കൊണ്ട് ഫാ.ലൊംബാർദി രംഗത്തെത്തിയത്. ചലച്ചിത്ര പ്രചരണ തന്ത്രത്തിലേക്ക് പാപ്പായുടെ പേര് അനാവശ്യമായി വലിച്ചിഴയ്ക്കരുതെന്നും അദ്ദേഹം അഭ്യർത്ഥിച്ചു.

Reported: Vatican Radio, TG







All the contents on this site are copyrighted ©.