Mesha e Papës për Ditën e Jetës Rregulltare. Shpresa të reja për të ardhmen
Nesër paradite, në orën 10.00, Papa Françesku do të kryesojë Meshën në Bazilikën e
Shën Pjetrit, në Vatikan, për Festën e Paraqitjes së Zotit në Tempull dhe Ditën e
18-të të Jetës Rregulltare. Kremtimi do të hapet me procesionin e 50 rregulltarëve:
25 burra e 25 gra nga kongregata të ndryshme e kontinente të ndryshme. Festë domethënëse
kjo, për rregulltarët, ardhmërinë e të cilëve Kisha e shikon plot shpresë, edhe pse
nuk mungojnë hijet e pse pakësohen thirrjet. Shpresa buron nga përpjekjet pozitive
për t’u rikthyer në shpirtin e karizimave të ndryshme. E kjo e mbush jetën e përkushtuar
me jetë e me shpresë, duke i hapur rrugën drejt periferive, si përgjigje e ftesës
së Papës Françesku.