Քահանայապետական աղօթքի դիտաւորութիւնները որ ընդհանրապէս ստորաբաժանուած են ''ընդհանրական
եւ միսիոնարական'' աղօթքի դիտաւորութիւններու, 2014-էն սկսեալ կը ստանձնեն ''տիեզերական''
եւ ''աւետարանացումի'' խորագիր կրող աղօթքի դիտաւորութիւններ, շեշտը դնելու համար աղօթքի
կարեւորութեան եւ վերարծարծելու 2012-ի աւետարանութեան մասին սիւնհոդոսի կարեւորութիւնը։
2014-ի Քահանայապետական աղօթքներու դիտաւորութիւնները լոյս տեսած էին անցեալ 26 փետրուար
2013-ին, Օսսեվաթորէ Ռոմանօ` վատիկանեան օրաթերթի էջերուն մէջ եւ ընտրուած են վաստակաւոր
Քահանայապետ` Պենետիկտոս ԺԶ-ի կողմէ, որ 2014-ի Փետրուար ամսուայ որպէս աղօթքի դիտաւորութիւն
ընտրած էր.
Որպէս ''Տիեզերական'' աղօթքի դիտաւորութիւն` Որպէսզի տարեցներու իմաստութիւնն
ու փորձառութիւնը ճանչցուին Եկեղեցւոյ եւ ընկերութեան մէջ։ Իսկ որպէս ''աւետարանութեան''
դիտաւորութիւն` Որպէսզի քահանաները, կրօնաւորներն ու աշխարհականները վեհանձնօրէն համագործակցին
աւետարանացումի առաքելութեան։