Ватыканская дыкастэрыя правядзе медыйны трэнінг для лацінаамерыканскіх біскупаў
Папская рада па сродках
масавай камунікацыі збірае біскупаў з краін Лацінскай Амерыкі. Мэта спаткання – пазнаёміць
з важнасцю выкарыстання сучасных медыя, у прыватнасці, інтэрнэта і сацыяльных сетак,
для распаўсюджання Евангелля. Трэнінг, які пройдзе 4-8 лютага 2014 г. узначаліць сам
старшыня ватыканскай дыкастэрыі арцыбіскуп Клаўдыё Марыя Чэлі. Месцам яго правядзення
стане сталіца Кубы, Гавана. Гэты выбар не выпадковы – паводле арцыбіскупа Чэлі, сустрэча
біскупаў павінна прадэманстраваць сімпатыю Касцёла да кубінцаў і “гатоўнасць да дыялога
на карысць народа”.
Падобныя мерапрыемствы Папская рада па сродках масавай
камунікацыі арганізуе для біскупаў з краін Лацінскай Амерыкі не ўпершыню. Семінар,
прысвечаны камунікацыі і евангелізацыі ў эпоху лічбавых тэхналогій, ужо праходзіў
у Бразіліі ў лістападзе 2013 г.