Падпісаны дадатковы пратакол паміж Святым Пасадам і Мальтай
Святы Пасад паінфармаваў
29 студзеня 2014 г., што ў штаб-кватэры Міністэрства замежных спраў Мальты 27 студзеня
быў падпісаны Трэці дадатковы пратакол да Пагаднення паміж Апостальскай Сталіцай і
Рэспублікай Мальта, ад 3 лютага 1993 г., аб прызнанні грамадзянскіх наступстваў кананічных
сужэнстваў і аб рашэннях касцёльных уладаў і трыбуналаў адносна такіх сужэнстваў.
З боку Святога Пасаду дакумент падпісаў Апостальскі нунцый на Мальце, арцыбіскуп Альда
Кавалі, з боку Мальты – міністр замежных спраў краіны, Джордж Вела. На ўрачыстай цырымоніі
з касцёльнага боку прысутнічалі прадстаўнікі мальтыйскага епіскапату.
Трэці
дадатковы пратакол складаецца з 4 пунктаў і ўносіць змены ў вышэйзгаданае Пагадненне
з 1993 г.