Кардынал Рэ, адзін
з бліжэйшых супрацоўнікаў Яна Паўла II і адзін з самых уплывовых іерархаў у Ватыкане,
адзначыць 30 студзеня 2014 г. 80-гадовы юбілей, пасля чаго страціць магчымасць удзелу
ў канклаве. Паходзячы з паўночнай Італіі пурпурат быў да 2010 г. прэфектам Кангрэгацыі
па справах Біскупаў. Да гэтага ён працаваў на розных дыпламатычных пасадах перад біскупскім
пасвячэннем і прызначэннем сакратаром Кангрэгацыі па справах Біскупаў у 1987 г. Ян
Павел II прызначыў яго ў 1989 г. кіраўніком Секцыі агульных спраў Дзяржаўнага сакратарыяту,
а ў 2000 г. прэфектам Кангрэгацыі па справах Біскупаў. Да Калегіі кардыналаў іерарх
быў далучаны ў 2001 г.
Зусім нядаўна кардынал Рэ, як старэйшы сярод кардыналаў-біскупаў,
кіраваў канклавам у Сікстынскай капэле. У гэтай якасці ён спытаўся абранага арцыбіскупа
Буэнас-Айрэса Хорхе Марыа Берголіа ці жадае той прыняць выбар кардыналаў.
Як
прэфект Кангрэгацыі па справах Біскупаў, кардынал Рэ падпісаў дакумент, якім Святы
Пасад зняў экскамуніку з чатырох біскупаў Брацтва св. Пія X у студзені 2009 г.