Աւելի քան հինգ հազար քաղաքներ կ'աղօթեն Ս. Երկրի խաղաղութեան համար։
''Ս. Երկրի խաղաղութեան համաշխարհային 6-րդ օրուան առթիւ, 26 յունուարին, աւելի քան հինգ
հազար քաղաքներ աղօթեցին որպէսզի Ս. Երկրին մէջ վերջ դրուի պատերազմին, անարդարութիւններուն
եւ բռնութիւններուն եւ հաստատուի խաղաղութիւնը''` ըսած է Երուսաղէմի լատիններու պատրիարքը`
գերերջանիկ ֆուատ Թուալ։ Ան` յանուն Ս. Երկրի քրիստոնեայ հասարակութեան, շնորհակալութիւն
յայտնած է միջազգային այս յայտագիրը կազմակերպիչներուն։ ''Թող մեր Տէր Յիսուս Քրիստոս`
խաղաղութեան իշխանը, մեզի շնորհէ իր խաղաղութիւնը եւ առատ օրհնութիւններ պարգեւէ ամէնուն''
ըսած է Պատրիարքը։ Իր կարգին Ռուս եկեղեցին դրամահաւաք կատարած է Սուրիոյ համար։
25 յունուարին, Մոսկուայի Կիւրեղ պատրիարքը ընդունած է Անտիոքի Յովհաննէս ժ. Յոյն
օրթոտոքս պատրիարքը եւ այդ առթիւ յայտնած է որ եկեղեցին հաւաքած է երեք միլիոն ռուբլի
Սուրիոյ ի նպաստ։ Նախապէս ռուս եկեղեցին Սուրիա ուղարկած է 40 միլիոն ռուբլի։