Святы Айцец накіраваў пасланніка да ахвяраў тайфуна на Філіпінах
Папа Францішак накіраваў
пасланніка да ахвяраў моцнага тайфуна, які 8 лістапада 2013 г. абрынуўся на Філіпіны.
Суцяшэнне і духоўную падтрымку Святога Айца перадасць старшыня Папскай рады “Cor Unum”
кардынал Рабэр Сара. Пурпурат наведае Філіпіны 26-31 студзеня 2014 г. Падчас сваёй
місіі ён сустрэнецца з мясцовымі біскупамі, Прэзідэнтам краіны Бенігна Акінам і жыхарамі
рэгіёна Таклабан, які найбольш пацярпеў у выніку прыроднага катаклізму. Кардынал Сара,
ад імя Пантыфіка прадставіць праект аднаўлення дзіцячага дома і дома для пажылых асобаў,
у якім адначасова будзе размешчаны маленькі жаночы кляштар, капліца і дыспансер.
Гэта
не першая дапамога папы Францішка насельніцтву Філіпін, пацярпеламу ад тайфуна. Адразу
пасля з’яўлення навіны пра трагедыю, Святы Айцец перадаў 150 тыс. долараў на дапамогу
ахвярам катаклізма.