Папа Францішак пачаў
падрыхтоўку спецыяльнага дакумента прысвечанага экалогіі, расказаў журналістам кс.
Фэдэрыка Ламбардзі, кіраўнік Залы Друку Апостальскай Сталіцы. “У перкспектыве гэта
павінна быць энцыкліка”, - сказаў ён і ўдакладніў, што праект знаходзіцца на пачатковай
стадыі, таму яшчэ рана казаць пра час яго публікацыі. “У любым выпадку важна заўважыць,
што папа Францішак жадае звярнуць асаблівую ўвагу на тэму “экалогіі чалавека”, - сказаў
кс. Ламбардзі. 24 студзеня Прэзідэнт Французскай Рэспублікі Франсуа Аланд, пасля аўдыенцыі
ў папы Францішка, падзяліўся, што асаблівая ўвага ў размове з Пантыфікам звярталася
на праблемы навакольнага асяродзя. “Бог прабачае заўсёды, чалавек часам, а прырода
ніколі – калі аб ёй не клапаціцца”, - сказаў Святы Айцец выказваючы сваю заклапочанасць
кліматычнымі зменамі. У сваю чаргу кіраўнік французскай дзяржавы запэўніў Папу ў тым,
што палітыкі працуюць, каб міжнародная канферэнцыя па праблемах клімату, запланаваная
на 2015 г., была паспяховай.