Дырэктар Ватыканскага банка: міжнародныя структуры задаволены супрацоўніцтвам
Інстытут рэлігійных
спраў, вядомы таксама як “Ватыканскі банк”, зрабіў велізарныя крокі наперад у накірунку
празрыстасці і барацьбы з адмываннем грошай, адзначыў дырэктар установы Эрнст фон
Фрэйберг у інтэрв’ю Ватыканскаму радыё. “У маі 2013 г. мы сказалі свету, што станем
абсалютна празрыстымі і адкажам на ўсе патрабаванні”, - нагадаў ён і дадаў, што тады
многія палічылі гэта ўтопіяй. Аднак, рэформа Ватыканскага банка аказалася цалкам магчымай,
сказаў ён. Фон Фрэйберг адзначыў, што на працягу мінулага года была створана сістэма
ўзаемадзеяння паміж ватыканскімі і міжнароднымі ўстановамі ў сферы барацьбы з адмываннем
грошай, а таксама праверана большасць рахункаў кліентаў банка на прадмет нелегальнай
дзейнасць. Калі дакладней, каля 10 тыс. з амаль 18 тыс. Наступным крокам фон Фрэйберг
назваў перадачу матэрыялаў даследванняў у кампетэнтныя органы, у тым ліку міжнародныя,
што дапаможа паглыбіць супрацоўніцтва з такімі стурктурамі ў сферы барацьбы з адмываннем
грошай.
Не каментуючы канкрэтныя выпадкі, фон Фрэйберг, аднак, падкрэсліў,
што італьянскія органы па супрацьдзеянні фінансавым злачынствам “вельмі задаволены”
супрацоўніцтвам з ватыканскімі структурамі. “Яны прызнаюць, што Ватыкан імкнецца да
той жа мэты – умацавання закона”, - сказаў кіраўнік Інстытута рэлігійных спраў. На
яго думку, сістэма працы Ватыканскага банку “неадкладна ўздыме трывогу”, калі ўзнікае
сітуацыя нелегальнай дзейнасці на адным з яго рахункаў.
Фон Фрэйберг адзначыў,
што, нягледзячы на дасягнуты прагрэс, праца па рэалізацыі большай празрыстасці будзе
працягвацца і ў 2014 г. “Мы чакаем, калі Святы Айцец вызнчыць будучыя мэты Інстытута
рэлігійных спраў, і згодна з яго рашэннем будзем працаваць, каб адаптаваць іх да нашай
дзейнасці”, - прызнаўся банкір.