Кардынал: у Папы дастаткова часу, каб здзейсніць запланаваныя змены
У Касцёле мы стаім
на пачатку новай эры”, - сказаў у інтэрв’ю для нямецкіх СМІ – выдання “Kölner Stadtanzeiger”
і агенцтва “KNA” – апублікаваным 21 студзеня 2013 г., кардынала Оскар Радрыгес Марадзьяга,
адзін з бліжэйшых супрацоўнікаў Папы. Каардынатар рады кардыналаў для дапамогі Святому
Айцу ў кіраванні Касцёлам параўнаў сучасныя падзеі з сітуацыяй, калі Ян XXIII склікаў
ІІ Ватыканскі Сабор. Гандурасскі кардынал адзначыў, што Пантыфік чакае ад касцёльнай
іерархіі простага жыцця і стылю кіраўніцтва, ён прапануе больш душпастырства, чым
дактрыны. Паводле іерарха, Папа склікаў сінод, прысвечаны сям’і, паколькі за 30 гадоў
ад апошняй асамблеі на гэту тэму сітуацыя значна змянілася: шмат разводаў, бацькі-адзіночкі,
з’ява сурагатнага мацярынства, бяздзетныя сужэнствы, аднаполыя саюзы. Навучанне застаецца
нязменным, але гэтыя выклікі патрабуюць адказу, адпаведнага да часоў, сказаў кардынал.
Іерарх
выказаўся і на тэму структурных рэформ у Касцёле. Калі хутка мяняецца лад жыцця людзей,
павіннны таксама змяніцца і кіраўнічыя структуры Касцёла, лічыць ён. На яго думку,
існуе таксама праблема кар’ерызму ў Рымскай курыі, калі нехта, хто трапіў туды, любым
коштам жадае стаць біскупам, што не адпавядае “менталітэту паўсюднага Касцёла”.
Кардынал
Марадзьяга перакананы, што ў 77- гадовага Папы дастаткова часу, каб здзейcніць запланаваныя
змены. “Ён мае столькі энергіі, што гэта ўвесь час здзіўляе мяне”, - прызнаўся іерарх.