I pyetur nga gazetarët për udhëtimet e ardhshme të Papës Françesku, drejtori i Sallës
së Shtypit të Selisë së Shenjtë, atë Federiko Lombardi, sqaroi sot se po studiohet
mundësia e një vizite të Atit të Shenjtë në Korenë e Jugut. Rasti do të jetë takimi
i madh i të rinjve të Azisë në mesin e gushtit. Gjithashtu, vazhdoi atë Lombardi,
Papës i ka ardhur një ftesë për të shkuar në Sarajevë, por akoma nuk ka marrë ndonjë
vendim për këtë. Ftesa tjetër ka të bëjë me një udhëtim në Sri Lanka e në Filipine,
që nuk është në program për vitin 2014.