Папе прадставілі ягнятак, з воўны якіх будуць зроблены паліі
Папе Францішку прадставілі
двух ягнятак, з воўны якіх будуць зроблены паліі – элементы літургічнага адзення ў
выглядзе вузкай стужкі з белай авечай воўны з вышытымі чорнымі крыжамі і абшытымі
чорным шоўкам кавалачкамі свінца. 21 студзеня 2014 г. ягняткі былі благаслаўлёныя
і дастаўлены ў Дом св. Марты ў Ватыкане, у якім пражывае Пантыфік. Традыцыя благаслаўлення
гэтых жывёлаў менавіта 21 студзеня звязана са святкаваннем успаміну св. Агнешкі –
маладой рымлянкі, якая аддала жыццё за Хрыста на мяжы ІІІ-IV стагоддзяў. У іканаграфіі
яна заўсёды прадстаўлецца з ягняткам на руках.
Паліямі Святы Айцец адорвае
новых арцыбіскупаў-мітрапалітаў. Гэта адбываецца штогод 29 чэрвеня, на свята святых
апосталаў Пятра і Паўла. Гэты элемент літургічнай вопраткі сімвалізуе паслухмянасць
Папе і асаблівую блізкасць да Святога Пасаду. Насіць палій мае права Святы Айцец,
падчас кожнай літургіі, а таксама адзначаныя асаблівым гонарам іерархі Касцёла, але
толькі на вялікія святы.