Në festën e Shën Anjezës, iu paraqitën Papës, qengjat e paliove
Iu paraqitën sot Papës Françesku, një çift qengjash, që u bekuan paradite në Bazilikën
e Shën Anjezës, në Romë. Leshi e tyre do të përdoret për paliot e kryeipeshkvijve
të rinj metropolitë. Ceremonia tradicionale, që mbahet çdo 21 janar në kujtimin liturgjik
të martires, u kremtua rreth orës 12.30 në Shtëpinë e Shën Martës. Palio është shenjë
liturgjike nderi dhe jurisdiksioni, që mbahet nga vetë Papa dhe nga kryeipeshkvijtë
metropolitë. Këta të fundit e kanë palion në formën e një rrypi të ngushtë pëlhure
të thurur me lesh të bardhë, dekoruar nga gjashtë kryqe mëndafshi të zi. Riti i vendosjes
së paliove kremtohet nga Papa gjatë meshës së 29 qershorit, solemnitet i Shën Pjetrit
e i Shën Palit.