Գերյ. Հ. Անդրանիկ Ծ.Վրդ. Կռանեանի ծննդեան 85-րդ տարեդարձը:

Երկուշաբթի 20 Յունուար 2014-ին, Զմմառու վանքի մէջ տեղի ունեցաւ Գերյ. Հ. Անդրանիկ Ծ.Վրդ. Կռանեանի ծննդեան 85-րդ տարեդարձը: Այս առթիւ կատարուեցան փոխադարձ բարեմաղթանքներ և բաժակաճառեր արտասանուեցան, մաղթելով բազմավաստակ Գերյարգելիին քաջառողջութիւն և երկար կեանք: Գերյ. Հ. Անդրանիկը խորապէս յուզուած՝ իր սրտագին շնորհակալութիւն յայտնեց այս անակնկալին համար, և իր հոգեւոր թէ գրական կեանքի ամբողջ վաստակը, արդիւնքը համարեց Զմմառու Տիրամօր Մայրական սիրոյն, որուն հովանիին ներքեւ ապրած և ստեղծագործած էր տարիներ շարունակ ի տիւ և ի գիշեր։