Пантыфік прывітаў паліцэйскіх, якія ахоўваюць плошчу св. Пятра
20 студзеня 2014 г.
папа Францішак прыняў на аўдыенцыі кіраўніцтва і супрацоўнікаў Інспекцыі па ахове
грамадскага парадку “Ватыкан” – спецыяльнага аддзела рымскай паліцыі, які займаецца
аховай плошчы св. Пятра, а таксама клапоціцца аб бяспецы Пантыфіка падчас яго падарожжаў
па тэрыторыі Італіі. Сустрэча прайшла ў Клеменційскай Зале Апостальскага палацу Ватыкана.
Акрамя саміх паліцэйскіх у аўдыенцыі прынялі ўдзел члены іх сем’яў. Папа павіншаваў
сабраных з нядаўна мінулымі святамі Божага Нараджэння і выказаў сваю ўдзянасць за
служэнне, якое здзейсняюць, у першую чаргу на плошчы св. Пятра: “у холад, спёку, дождж,
вецер, заўсёды...”.
“Мы ўсе ўсведамляем неабходнасць пастаяннай працы для захавання
выключнасці гэтага ўнікальнага месца, падтрымліваючы яго сакральны і паўсюдны характар.
І гэта патрабуе асаблівага і пільнага чування. Сапраўды, на плошчы св. Пятра народ
спакойны, рухаецца павольна, атрымлівае асалоду ад спакою. І гэта дзякуючы вам, якія
сочыце за грамадскім парадкам”, - сказаў Папа.
Францішак падзякаваў таксама
за працу паліцэйскіх падчас масавых мерапрыемстваў на плошчы св. Пятра, калі тысячы
людзей прыбываюць сюды каб сустрэцца з Папам, памаліцца каля магіл Князя Апосталаў
ці яго наступнікаў, у першую чаргу Яна ХХІІІ і Яна Паўла ІІ.
“Хачу пажадаць,
каб перыяд праведзены на службе каля Ватыкана стаў для кожнага з вас магчымасцю для
росту ў веры. Вера – гэта самы каштоўны скарб, які вашы сем’і вам даверылі і які вы
пакліканы перадаць вашым дзецям. Важна адкрыць нанова пасланне Евангелля і прыняць
яго ў глыбіні ўласнага сумлення і канкрэтнасці штодзённага жыцця, сведчачы з адвагай
аб любові Бога ва ўсіх асяродзях, таксама і на працы”, - сказаў Папа.
На заканчэнне
сустрэчы Святы Айцец даверыў паліцэйскіх апецы Маці Божай і папрасіў аб малітве. “Маю
ў ёй вялікую патрэбу”, - сказаў Папа.