Filloi Java e lutjes për Bashkimin e të Krishterëve. Në mikrofonin tonë, Pastori ungjillor
Altin Hysi
Filloi dje e do të përfundojë më 25 janar, Java e Lutjes për Bashkimin e të Krishterëve.
Këtë vit, tema e saj është “Vallë, a qenka Krishti i ndarë?” marrë nga Letra e parë
e Shën Palit Apostull drejtuar Korintasve. Materiali ndihmës është përgatitur nga
një grup përfaqësuesisht të Kishave të ndryshme të Kanadasë, me ftesën e Qendrës kanadeze
për Ekumenizmin dhe të Qendrës së lutjes për Ekumenizmin. Teksti i kushtohet kujtimit
të dy të mëdhenjve, që janë ndarë kohët e fundit nga kjo jetë: teologut Ralph Del
Colle (1954-2012) dhe profesoreshës Margaret O’Gara (1947-2012). Pjesë e materialit
janë edhe disa himne e këngë, të përgatitura enkas nga shkrimtarë e kompozitorë kanadeze
për këtë Javë lutjeje. Në repertor, vargje domethënëse si: “Të gjitha racat, gjuhët
e kulturat, të frymëzuara nga Shpirti Shenjt, bëhen një zë i vetëm për të dëshmuar
Krishtin e Kryqëzuar. Të bashkuar nga Shpirti Shenjt: një dritë për racën njerëzore.
Flijimi i Jezusit mjafton për sot e përgjithmonë”. Don Marjan Paloka i mori një
intervistë për ekumenizmin Sekretarit të Përgjithshëm të Shoqërisë Biblike Ndërkonfesionale
të Shqipërisë, Pastorit ungjillor Altin Hysi. Ta dëgjojmë…