''Իրանի դերակատարութիւնը հիմնական է ''Ժընեւ2'' վեհաժողովին'' յայտարարած է Պան Քի Մուն
Չորեքշաբթի, 15 յունուար, Քուէյթի մէջ տեղի ունեցաւ սուրիացի գաղթականներու նուիրատու
երկիրներու ժողովը, մասնակցութեամբ ՄԱԿ-ի ընդհանուր քարտուղար՝ Պան Քի Մունի։ Ժողովին
ընթացքին, ԱԱԿ-ի ընդհանուր քարտուղարը ՝ ժողովականներու ուղղած խօսքին մէջ, յայտնեց Իրանի
դերակատարութինը Սուրիոյ տագնապի լուծման համար եւ զօրակցութիւնը` Իրանի ''Ժընեւ2'' ժողովին
մասնակցութեան։ Պան Քի Մուն անդրադառնալով Սուրիոյ ներկայ իրավիճակի մասին յայտնեց,
թէ «Սուրիոյ բնակչութեան կէսը, այսինքն` շուրջ 9 միլիոն մարդ օժանդակութեան կարիք ունի»: Միացեալ
Նահանգներու արտաքին գործոց նախարար Ճոն Քերրի իր կարգին յայտարարած է Թէ«Կը խոստանանք
տագնապին վերջ տալ դիւանագիտական լուրջ աշխատանքի ճամբով»` նշելով, որ «Միացեալ Նահանգներ
պիտի շարունակեն իրենց աշխատանքը ոչ միայն մարդասիրական ջանքերու ճամբով, այլ նաեւ բոլոր
ձեւերով»: