Дзяржсакратар Яго Святасці Папы сустрэўся з Дзяржсакратаром ЗША
14 студзеня 2014 г.
у Ватыкане адбылася сустрэча паміж Дзяржаўным Сакратаром Яго Святасці Папы, арцыбіскупам
Пьетра Паралінам, і Дзяржсакратаром ЗША, Джонам Кэры. Кіраўнік амерыканскай дыпламатыі
здзяйсняе ў гэтыя дні міжнародны дыпламатычны тур у падтрымку мірнага пагаднення паміж
ізраільцянамі і палестынцамі і паспяховага правядзення жэнеўскай сустрэчы па Сірыі.
Сённяшнее спатканне доўжылася каля двух гадзін. Кіраўнік Залы Друку Апостальскай
Сталіцы, кс. Фэдэрыка Ламбардзі, назваў яго “вельмі плённым і багатым па змесце”.
Асноўнай тэмай стала сітуацыя на Блізкім Усходзе, у прыватнасці, у Сірыі. Таксама
Афрыка была прадметам размоваў.
Падчас сустрэчы была выказана заклапочанасць
Святога Пасаду некаторымі пытаннямі, звязанымі з рэформай сістэмы аховы здароўя ў
ЗША, якія ўплываюць на свабоду веравызнання і права на супраціў сумлення. Размова
ішла таксама аб плане Прэзідэнта Абамы па барацьбе з беднасцю.
Атмасферу спаткання
кс. Ламбардзі назваў станоўчай і канструктыўнай.