Пантыфік удзяліў 12
студзеня 2014 г. у Сікстынскай Капэле сакрамэнт хросту 32 немаўлятам. Паводле традыцыі,
уведзенай Янам Паўлам II, у свята Хросту Пана Папа хрысціць у асноўным дзяцей супрацоўнікаў
ватыканскіх устаноў. Францішак падкрэсліў, што самым значным, што могуць перадаць
бацькі і хросныя дзецям, з’яўляецца вера. “Гэта самая прыгожая спадчына, якую вы пакідаеце
ім!”, - сказаў Пантыфік. “Хрост – гэта сакрамэнт, які ўмацоўвае нашу ўласную веру
і ўключае нас у жыццё Хрыста і Яго Касцёла”, - адзначыў Святы Айцец у сваё гаміліі.
Ён нагадаў, што бацькі і хросныя абавязаны пераказаць веру сваім дзецям. “Ідзіце дадому,
заўсёды памятаючы, што вы закліканы перадаваць веру”, - сказаў ён бацькам. Папа асабіста
паліваў вадой галовы дзяцей і намашчаў іх алеем крыжма.