Пантыфік лічыць праваслаўных студэнтаў багаццем для каталіцкага навуковага асяроддзя
Святы Айцец сустрэўся
11 студзеня 2013 г. з членамі Камітэта па культурным супрацоўніцтве з Праваслаўнымі
Цэрквамі візантыйскага абраду і Усходнімі Праваслаўнымі Цэрквамі. Ён павіншаваў супрацоўнікаў
гэтай ватыканскай структуры з 50-годдзем і нагадаў, што ІІ Ватыканскі Сабор яшчэ не
быў завершана, калі Павел VI прыняў рашэнне заснаваць Камітэт. Пантыфік добра разумеў
важнасць шляху прымірэння і аднаўлення братэрства паміж Цэрквамі і неабходнасць сяброўства
і абмену вопытам. Дзякуючы дабрачынцам за апошнія паўстагоддзя структура дапамагла
шматлікім праваслаўным вернікам, якія жадалі праводзіць свае тэалагічныя даследаванні
ў акадэмічных установах Каталіцкага Касцёла, а таксама падтрымала іншыя праекты экуменічнага
супрацоўніцтва, нагадаў папа Францішак. Ён падзякаваў усім мецэнатам, якія падтрымлівалі
і падтрымліваюць камітэт, і заклікаў далей працягваць гэту высакародную місію.
На
сустрэчы з Пантыфікам прысутнічалі таксама студэнты-стыпендыяты Камітэта па культурным
супрацоўніцтве. Святы Айцец скіраваў да іх сваё асабістае прывітанне. Ён падкрэсліў,
што тэалагічныя даследаванні маладых навукоўцаў, а таксама іх знаходжанне ў каталіцкім
асяроддзі, важныя для дыялогу паміж Цэрквамі “сёння і асабліва заўтра”. “Я дзякую
Богу, за тое, што Ён дае мне гэту выдатную магчымасць сустрэцца з вамі і сказаць вам,
што Біскуп Рыма любіць вас”, - сказаў Папа. Ён выказаў спадзяванне, што кожны з праваслаўных
студэнтаў атрымае “радасны досвед Касцёла і Рыма з пункту гледжання ўзбагачэння духоўнай
і культурнай спадчыны” і не будзе адчуваць сябе тут госцем, “але братам сярод братоў”.
Пантыфік упэўнены, што стыпендыяты Камітэту з’яўляюцца багаццем для каталіцкай навуковай
супольнасці.
Пантыфік паабяцаў сваю малітву за супрацоўнікаў Камітэта па культурным
супрацоўніцтве з Праваслаўнымі Цэрквамі візантыйскага абраду і Усходнімі Праваслаўнымі
Цэрквамі і яе стыпендыятаў і папрасіў аб малітве за сябе.