Час працы Ватыканскіх
музеяў будзе ў будучым павялічаны з-за росту патоку наведвальнікаў. Пра гэта паведаміў
дырэктар музеяў Антоніа Паолучы ватыканскай газеце “L’Osservatore Romano”. Больш падрабязнай
інфармацыяй аб новых гадзінах працы ён не падзяліўся. Колькасць 5,5 млн. наведвальнікаў
у 2013 г. стала сапраўдным выклікам для Ватыканскіх музеяў, прызнаўся дырэктар. Гаворка
ідзе ў тым ліку і пра бяспеку гасцей. Зараз музеі працуюць з панядзелка па суботу
з 9 да 18 гадзіны, уваход заканчваецца ў 16.00. Доўгіх чэргаў, у якіх наведвальнікам
Рыма трэба стаяць на працягу многіх гадзін уздоўж ватыканскай сцяны, павінна дапамагчы
запабегнуць больш эфектыўная сістэма онлайн-браніравання білетаў, паведаміў Паолучы.
Акрамя таго, павінна быць забяспечана лепшая ахова твораў мастацтва, улічваючы рост
колькасці наведвальнікаў.