Архіварыус Ватыканскага
Сакрэтнага Архіва і Бібліятэкар Святога Рымскага Касцёла, арцыбіскуп Жан-Луі Бруге
будзе ўдзельнічаць 12 студзеня 2014 г. на Кубе ў адкрыцці выставы святых тэкстаў з
так званай “The Green Collection”, паведамілі СМІ вострава. Усяго тут будуць прадстаўлены
72 каштоўныя рэлігійныя экспанаты. Выстава “Біблія – Божы шлях і шлях чалавека”, упершыню
экспанавалася ў 2013 г. у Ватыкане. Яе “кубінская версія” уключае ў сябе скруткі Торы,
першыя пераклады Новага Запавету на англійскай, грэцкай і нямецкай мовах. У яе ўвайшла
таксама частка вядомай “Бібліі Гутэнберга”.
Выставу, якая працягнецца ў Гаване
да 2 лютага, наведае італьянскі кардынал Джузэпэ Бэторы, тэолагі і навукоўцы з усяго
свету.
“The Green Collection” – самы вялікі ў свеце прыватны збор біблійных
рарытэтаў. Большасць экспанатаў калекцыі звычайна недаступна для простых наведавальнікаў,
паколькі знаходзіцца ў прыватных руках. Яна між іншым уключае: унікальны Кодэкс “Climaci
Rescriptus” – найстаражытнейшы варыянт амаль поўнай Бібліі на арамейскай мове, славуты
кумранскі абеліск з выгравіраваным тэкстам аб’яўлення Габрыэля з І ст. да нараджэння
Хрыста, а таксама лекцыянарый Сабора св. Сафіі ў Канстантынопалі. “The Green Collection”
атрымала назву ад прозвішча амерыканскай сям’і, якая стала ініцыятарам і спонсарам
пошукаў біблійных рарытэтаў.