Իսրայէլի մէջ քրիստոնեայ հասարակութեան թիւը յաւելում կ՛արձանագրէ
8 յունուար 2014 ին, Իսրայէլի վիճակագրութեան կեդրոնական գրասենեակի հրապարակած տեղեկատուութեամբ,
ի յայտ կու գայ թէ երկրին մէջ քրիստոնեայ հասարակութեան թիւը աճ արձանգրած է։ Արդարեւ
2013 տարեշրջանին, 3000 քրիստոնեայ աւելցած է որոնցմէ մօտաւորապէս 80 առ հարիւրը Արաբ
քրիստոնեաներ են։ Նշենք, թէ քրիտոնեայ հասարակութեան մեծամասնութիւնը կը բնակի երկրին
հիւսիսային շրջանները։ Վերջին տասնեակ տարիներուն ընթացքին, միջին արեւելքի մէջ քրիստոնեաներու
թիւը նուազած է պատերազմներու եւ հալածանքներու պատճառաւ։ 20րդ դարու սկիզբները, քրիստոնեաները
միջին արեւելքի ընդհանուր բնակչութեան 15 առ հարիւրը կը ներկայացնէին, իսկ 21 դարու
սկիզբը՝ անոնց թիւը իջած է 5 առ հարիւրի։