Вялікую павагу да
папы Францішка выказаў знакаміты галівудскі акцёр і кінапрадзюсар Кірк Дуглас. У сваім
блогу ён прызнаўся, што хоць і з’яўляецца яўрэем і ніколі не быў рэлігійным чалавекам,
аднак лічыць, што Францішак прыхільны да людзей любых веравызнанняў, “таму што ён
пакорны і атаясамліваецца з беднымі”. Дуглас нагадаў заклік Святога Айца да будавання
міру і больш справядлівага грамадства, з якім Пантыфік звярнуўся 1 студзеня 2014 г.,
у Сусветны дзень міру. “Ён з’яўляецца чалавекам, які прагне, каб людзі разумелі адно
аднаго, незалежна ад падзяляючых нас адметнасцяў, і аказвалі ўзаемную дапамогу, а
гэта сутнасць таго, чым павінна быць любая рэлігія”, - перакананы 97-гадовы галівудскі
акцёр.
Кірк Дуглас зняўся амаль у 100 фільмах. Некалькі разоў быў кандыдатам
на атрыманне прэміі “Оскар”, якая была яму ўручана ў 1996 г. за 50-гадовую працу ў
галіне кінавытворчасці. Яго бацькі былі эмігрантамі з Гомеля.