Ֆրանչիսկոս Սրբազան Քահանայապետի պաշտօնական հանդիպումները։

Սուրբ Ծննդեան եւ Ամանորի տօներու հակիրճ դադարէն ետք, Ֆրանչիսկոս Սրբազան Քահանայապետը վերսկսաւ իր պաշտօնական հանդիպումները։
Հինգշաբթի, 9 յունուար, առաւօտեան ժամը 10,30-ին, Նորին Սրբութիւնը իր գրասենեակի մէջ ընդունեց Փղոսկրեայ Ափունքի նոր անունուած դեսպան` Տիար Սեւերին Մադիաս Աքէօ, հաւատարմագրերու ներկայացումի առթիւ։
Ապա ժամը 11-ին, Սրբազան Հայրը ընդունեց Արժանթինի Քորտոպա թեմի Արքեպիսկոպոսը, գերապայծառ Գարլոս Խօսէ Նանիէզ։ Հուսկ 11,30-ին, յաջորդաբար ընդունեց Լացիօ մարզի Նախագահ` Նիքոլա Ծինկարեդդի, Հռոմի քաղաքապետը, Ինիացիօ Մարինօն, ու Հռոմ գաւառի արտակարգ յանձնակատար` Ոստիկանապետ` Րիքքարտօ Գարբինօն։
Յայտնենք որ յառաջիկայ կիրակի 12 յունուարին Ֆրանչիսկոս Սրբազան Քահանայապետը, Սիքստեան Մատրան մէջ, նորածին մանուկներուն պիտի մատակարարէ Սուրբ Մկրտութեան խորհուրդը։Մինչ 19 յունուարին պիտի այցելէ Հռոմի մէկ ժողովրդապետութիւնը։