Եւրոպական միութիւնը մտահոգ է թուրքիոյ մէջ ոստիկանները աշխատանքէ հեռացնելու երեւոյթէն
«ՌԻԱ Նովոսթի» լրատու գործակալութիւնը կը հաղորդէ, որ Եւրոպական յանձնաժողովի պաշտօնական
ներկայացուցիչ Օլիվիա Պայի յայտնած է, որ Եւրոպական Միութիւնը մտահոգ է Թուրքիոյ մէջ
ոստիկանները աշխատանքէ հեռացնելու երեւոյթէն եւ կը պահանջէ հետաքննել փտածութեան խախտումներու
վերաբերեալ բոլոր դիմումները, ներառեալ` իշխանութիւններուն կողմէ: «Մեծ թիւով ոստիկաններ
աշխատանքէ հեռացնելը, որուն գագաթնակէտը դարձաւ Անգարայի մէջ 350 ոստիկան աշխատանքէ հեռացնելը,
մեզ կը մտահոգէ: Մենք կը պահանջենք Թուրքիայէն, իբրեւ թեկնածու երկիր, Եւրոպական Միութեան
անդամակցելու պահանջներու կատարման վերաբերեալ պարտաւորութիւն ստանձնել, ներառեալ` իրաւական
պետութեան սկզբունքներուն հետեւիլը, եւ ամէն ինչ ընել, որպէսզի բոլոր դիմումները, ներառեալ`
որոշ ղեկավարներու կատարած խախտումներուն վերաբերեալ, հետաքննուին առանց խտրականութեան
եւ անկողմնակալ կերպով», ըսած է Պայի: