Папа: хрысціянская любоў – гэта не каханне з мыльных опер
Для хрысціянскай любові
заўсёды была характэрная “рэалістычнасць”, якая праяўляецца “больш у справах, чым
у словах”, “больш у даванні, чым атрыманні”, лічыць Святы Айцец. Паводле яго, у хрысціянскім
жыцці не існуе альтэрнатывы “бескарыслівай любові”, “якая закатвае рукавы і імкнецца
да бедных”. Папа спаслаўся на фрагмент Першага паслання апостала Яна: “Калі мы любім
адно аднаго, то Бог жыве ў нас, і любоў Ягоная ў нас дасканалая”. Досвед веры, паводле
Францішка, ляжыць у гэтым “двайным знаходжанні” – “мы знаходзімся ў Богу, і Бог у
нас”. Менавіта гэта можна назваць “хрысціянскім жыццём”, і толькі гэта можа абараніць
хрысціяніна ад павярхоўнасці, ідалапаклонства і мітусні. Любоў, пра якую кажа св.
Ян – гэта “не каханне з мыльных опер”, падкрэсліў Пантыфік і дадаў, што хрысціянская
любоў заўсёды адзначалася якасцю, канкрэтыкай і рэалістычнасцю. Калі адсутнічаюць
гэтыя рысы, любоў падмяняе “хрысціянства ілюзій”, адзначыў Папа і спаслаўся на вучняў,
якія, гледзячы на Езуса, лічылі, што ён быў прывідам. “Іх здзіўленне ўзнікае з цвёрдасці
сэрца”, сказаў Пантыфік. Калі ў чалавека цвёрдае сэрца, ён лічыць любоў прывідам,
а не рэальнасцю, перакананы ён.
Папа заклікаў сабраных на ранішняй св. Імшы
9 студзеня 2014 г. “любіць справамі , а не словамі”, “мець адкрытае сэрца”, заставацца
ў Богу і дазваляць Богу жыць у сабе.