Թուրքիոյ մէջ աշխատանքէ ազատ կացուցուած է 350 ոստիկան
Թրքական «Հիւրրիյէթ Տէյլի Նիուզ» կը հաղորդէ, որ Թուրքիոյ իշխանութիւնները 7 յունուարի
գիշերը որդեգրած են որոշում մը, ըստ որուն, Անգարայի մէջ 350 ոստիկաններ աշխատանքէ ազատ
կացուցուած են: Աշխատանքէ արձակուած ոստիկանները կ՛աշխատէին ահաբեկչութեան, հետախուզական,
կազմակերպուած յանցագործութիւններու, ելեւմտական յանցագործութիւններու, համացանցային
յանցագործութիւններու եւ մաքսանենգութեան բաժանմունքներուն մէջ: Ըստ «Տողան» լրատու
գործակալութեան, աշխատանքէ ազատ կացուցուածներէն 80-ը Անգարայի շրջանին մէջ ելեւմտական
եւ կազմակերպուած յանցագործութիւններու, ինչպէս նաեւ մաքսանենգութեան դէմ պայքարի բաժանմունքներու
ղեկավարներ են: Պաշտօնազրկուածները փոխարինելու համար այլ քաղաքներէ 250 ոստիկան տեղափոխուած
է: