Кітайцы лічаць папу Францішка адной з найбольш важных асоб 2013 года
Папа Францішак апынуўся
ў спісе 10 самых важных асоб мінулага года па версіі Кітайскага Медыяфоруму. У яго
склад уваходзяць самыя аўтарытэтныя супрацоўнікі СМІ і журналісцкіх аб’яднанняў кантынентальнага
Кітаю. Папа заняў трэцюю пазіцыю ў рэйтынгу і стаў першым прадстаўніком свету рэлігіі,
які трапіў у гэты элітны спіс кітайскіх СМІ. Гэта не першае адзначэнне Святога Айца
з боку сусветных медыя. Некалькі тыдняў таму Францішка назваў “Чалавекам года” амерыканскі
часопіс “Time”. Рэдакцыя палічыла, што менавіта Пантыфік аказаў найбольшы ўплыў на
падзеі ў свеце ў 2013 г. “Гэта вялікая рэдкасць, каб нікому невядомы раней чалавек
змог за кароткі тэрмін прыцягнуць да сябе такую ўвагу людзей ва ўсім свеце – маладых
і старых, вернікаў і цынікаў”, - адзначыла шэф-рэдактар часопіса Нэнсі Гібс.