Աստուածայայտնութեան Մեռելոցի օրը, Զմմառու վանքի Մայր Տաճարին մէջ Սուրբ և Անմահ Պատարագ
Երեքշաբթի 7 Յունուար 2014-ի առաւօտեան ժամը 7:30-ին, Աստուածայայտնութեան Մեռելոցի օրը,
Զմմառու վանքի Մայր Տաճարին մէջ Սուրբ և Անմահ Պատարագ մատուցանեց Գեր. Հ. Բարսեղ Վրդ.
Պաղտասարեան, Զմմառու Պատրիաքական Միաբանութեան գահալաներուն՝ հայրապետներուն, միաբան
հայրերուն հոգւոյն համար: Ս. Պատարագին իրենց մասնակցութիւնը բերին վարչական հայրեր,
վանաբնակ վարդապետներ և Դպրեվանքի նորընծաներ: Յաւարտ Ս. Պատարագին հանդիսաւոր թափօրով
հոգեւորական դասը ուղղուեցաւ Մայրավանքիս դամբարանը, ուր հոգեհանգստեան պաշտօն կատարուեցաւ
Միաբանութեան ննջեցեալ հայրերու հոգիներուն համար: