Папа Францішак наведаў
“жывыя” яслі Божага Нараджэння ў адной з рымскіх парафій 6 студзеня 2013 г. Экскурсіі
і прывітанню 200 вернікаў Пантыфік прысвяціў шмат часу. Ён благаславіў выканаўцаў
ролі Святой Сям’і – Марыі, Юзафа і немаўля. Пасля кароткай малітвы ў парафіяльным
касцёле, Папа звярнуўся на пляцоўцы перад ім да вернікаў, сярод якіх былі дзеці і
хворыя. Парафія св. Альфонса Марыі Лігуоры ў паўночнай частцы Рыма некаторы час таму
запрасіла Францішка да сябе, а той спантанна адказаў на запрашэнне. “Будзем маліцца
за дзяцей, за ненароджаных, бузем маліцца за бабуль і дзядуляў, за якімі стаіць мудрасць”,
- сказаў Папа ў сваім прывітанні. Звяртаючыся да дзяцей, ён дадаў: “Падыходзіць да
завяршэння Божае Нараджэнне, пачынаецца новы год, але Езус застаецца з намі. Вы верыце
ў гэта?”. На што ўсе дзеці адказалі гучным “так”. Пасля прыкладна паўтарагадзіннага
візіту Святы Айцец вярнуўся ў Ватыкан.
Францішак лічыцца вялікім энтузіястам
“жывых” ясляў Божага Нараджэння. Як арцыбіскуп Буэнас-Айрэса ён асаблівым чынам падтрымліваў
такія ініцыятывы. Часта іх удзельнікамі былі дзеці з абмежаванымі магчымасцямі.