Юбілей першага візіту Рымскага Пантыфіка ў Святую Зямлю
50 гадоў таму, 4 студзеня
1964 г. адбыўся гістарычны візіт папы Паўла VI у Святую Зямлю. Гаворка ідзе пра першае
ў гісторыі замежнае падарожжа Наступніка св. Пятра. Яго мэтай стала менавіта радзіма
Езуса Хрыста. За тры дні свайго прабывання ў Святой Зямлі Павел VI наведаў хрысціянскія
святыні ў Іерусаліме, Назарэце і Бэтлееме, сустрэўся ў прадстаўнікамі розных Усходніх
Цэркваў у тым ліку з праваслаўным Патрыярхам Канстантынопаля Афінагорам І, разам з
якім памаліўся “Ойча наш” на Аліўнай гары – месцы дзе Езус маліўся “каб усе былі адно”
напярэдадні сваёй крыжовай мукі.
Адным з сведкаў візіту Святога Айца быў цяперашні
дапаможны біскуп Лацінскага Патрыярхату Іерусаліма Вільям Шомалі. У 1964 г., будучы
14-гадовым семінарыстам, ён знаходзіўся сярод тысяч вернікаў чакаючых Пантыфіка на
плошчы перад базылікай Нараджэння Пана.
“Мы з нецярпеннем чакалі і мелі вялікае
жаданне ўбачыць Наступніка св. Пятра, які прыбыў упершыню... пасля св. Пятра. Ні адзін
Папа не прыязджаў да гэтага! Таму, для нас гэта была незвычайная падзея. Я бачыў яго
вельмі хутка і не змог прывітаць... Усе жадалі прывітаць яго, але гэта было немагчыма.
Пасля таго, як ён прачытаў свае прамовы, я зразумеў, што яны былі вельмі, вельмі глыбокімі.
Некаторыя з яго гамілій сталі “класічнымі”, асабліва прамоўленая ў Назарэце аб сям’і:
мы можам яшчэ цытаваць яе, таму што яна застаецца вельмі актуальнай”, - распавёў іерарх.
На
думку біскупа Шомалі, Павел VI жадаў проста здзейсніць пілігрымку на радзіму Хрыста,
а на самой справе адкрыў шлях, для ўсіх будучых падарожжаў Рымскіх Пантыфікаў.