Рыга запрашае на сустрэчу арганізаваную супольнасцю Тэзэ
Хрысціянская моладзь
з краін балтыйскага рэгіёна збярэцца на сустрэчу арганізаваную супольнасцю Тэзэ ў
сталіцы Латвіі, Рызе. Форум пройдзе 26-28 верасня 2014 г. пад дэвізам “Стаць соллю
зямлі”. У ім прымуць удзел юнакі і дзяўчаты з балтыйскіх і скандынаўскіх краін, а
таксама Беларусі, Украіны, Расіі і Польшчы. У рамках мерапрыемства прадугледжаны супольныя
малітвы, семінары, сустрэчы з цікавымі асобамі. Маладых гасцей прымуць у сябе мясцовыя
парафіі і сем’і. Арганізатары форума чакаюць прыбыцця каля 1,5 тыс. вернікаў.
Асноўныя
сустрэчы будуць адбывацца ў рыжскай лютэранскай царкве св. Пятра – адной з самых старажытных
святынь горада, якая ўпершыню ўзгадвалася ў 1209 г. і знакаміта сваім арыгінальным,
пазнавальным шпілем вышынёй ў 64,5 метры.
Падрыхтоўка да форума пачалася ўжо
зараз. Кожную апошнюю пятніцу месяца, у мясцовых каталіцкіх і пратэстанскіх супольнасцях
праходзяць спецыяльныя малітоўныя сустрэчы. Таксама пачала дзейнічаць адпаведная
старонка ў “Фэйсбук”.
Падобная, рэгіянальная сустрэча арганізаваная экуменічнай
супольнасцю Тэзэ, праходзіла ў 2009 г. у літоўскай сталіцы Вільнюсе.