Бэнэдыкт XVI наведаў свайго брата ў рымскай клініцы
3 студзеня 2014 г.
Бэнэдыкт XVI наведаў свайго роднага брата кс. прэлата Георга Ратцынгера, які знаходзіцца
ў рымскай бальніцы “Джэмэлі” – вучэбнай клініцы Каталіцкага ўніверсітэта Найсвяцейшага
Сэрца Езуса, самага буйнога ў Італіі прыватнага ўніверсітэта. Папа на пенсіі ўпершыню
пакінуў тэрыторыю Ватыкана пасля таго, як пераехаў сюды ў жніўні 2013 г. з летняй
рэзідэнцыі Рымскіх Пантыфікаў у Кастэль Гандольфа. Візіт Бэнэдыкта XVI насіў выключна
прыватны характар. Пры ўваходзе ў клініку яго сустрэў рэктар ўніверсітэта Найсвяцейшага
Сэрца Езуса Франка Анэлі. Ён правёў Папу на пенсіі ў палату да яго брата, які 15 студзеня
адзначыць сваё 90-годдзе.
Будучы Біскупам Рыма, Бэнэдыкт XVI некалькі разоў
здзейсняў візіты ў клініку “Джэмэллі”. Упершыню гэта адбылося 5 жніўня 2005 г. Тады
Папа таксама наведваў свайго брата, якому была зроблена хірургічная аперацыя. Нягледзячы
на прыватны характар візіту, Бэнэдыкт XVI прывітаў некаторых хворых, якіх сустрэў
каля ўваходу ў бальніцу. Падчас іншых візітаў, Святы Айцец сустракаўся з хворымі дзецьмі
і кардыналам Ражэ Эчэгараем, які праходзіў тут лячэнне ў 2009 г.