Ватыканскія музеі рыхтуюцца да павелічэння колькасці наведвальнікаў
2013 год стаў рэкордным
па колькасці наведвальнікаў для Ватыканскіх музеяў. На працягу дванаццаці месяцаў
з папскай скарбніцай твораў мастацтва пазнаёміліся амаль 5,5 млн. чалавек. Пра гэта
паведаміў дырэктар музеяў Антоніа Паолуччы. Ён звязвае такую ўвагу, між іншым, з “эфектам
папы Фрацнішка”, які прыцягвае ў Ватыкан людзей з розных куткоў свету. Акрамя таго,
навуковец з заклапочанасцю думае пра велікодны перыяд і маючую адбыцца 27 красавіка
2014 г. кананізацыю бл. Яна Паўла ІІ і бл. Яна ХХІІІ. Каб прыняць удзел у гэтых падзеях
у Вечны горад прыбудуць мільёны пілігрымаў, многія з якіх пажадаюць наведаць Ватыканскія
музеі. Таму, кіраўніцтва ўстановы, ужо зараз рыхтуецца да гэтага.
Паводле Антоніа
Паолуччы, прыток турыстаў – гэта новыя выклікі, якія патрабуюць надзвычайных выдаткаў
для забеспячэння захаванасці шэдэўраў і стварэння лепшых умоваў для наведвальнікаў.
Такім чынам 2014 г., для Ватыканскіх музеяў пачнецца падрыхтоўкай да сустрэчы
вялікай колькасці людзей. Дырэктар установы распавёў, што ў першую чаргу будуць пачаты
працы па ўсталяванні новай сістэмы падтрымання адпаведнага клімату ў Сікстынскай капэле,
абсталявання па кантролю за тэмпературай і вільготнасцю. Гэты праект, паводле Антоніа
Паолуччы рыхтаваўся на працягу трох апошніх гадоў. Навуковец адзначыў, што новая сістэма
пачне выпрабоўвацца у маі 2014 г. і затым будзе прадстаўлена навуковай супольнасці
і міжнародным СМІ.