Sot pasdite Papa Françesku u lut në Bazilikën e Shën Marisë së Madhe
Sot, dita e parë e Vitit të Ri 2014, Papa Françesku shkoi, në formë private, në Bazilikën
romake të Shën Marisë së Madhe. U gjunjëzua rreth 20 minuta para Nënës së Zotit, që
nderohet me titullin Shpëtimi i Popujve Romakë. Sot ishte festa liturgjike e amësisë
hyjnore e, në homelinë e paradites, Papa kujtoi edhe Bazilikën e Shën Marisë së Madhe
dhe këtë ikonë, për të cilën ka devocion të thellë. Nuk është hera e parë që e shikojmë
Atin e Shenjtë të gjunjëzuar para Shpëtimi i Popujve Romakë. Përkundrazi, ka shkuar
shumë herë, duke nisur nga vizita që i bëri Nënës së Zotit vetëm pak orë pas zgjedhjes
në fronin e Shën Pjetrit. Sot, kur arriti Papa, në Bazilikë ishin shumë besimtarë,
sidomos, të rinj, që u çuditën dhe u gëzuan pa masë, kur panë papritmas Atin e Shenjtë,
por pa e shqetësuar lutjen e Tij në Kapelën e Zojës së Bekuar.