Ֆրանչիսկոս Սրբազան Քահանայապետը կը գլխաւորէ երեկոյեան ժամասացութեան արարողութիւնն
ու գոհաբանական աղօթքը։
Երեքշաբթի 31 դեկտեմբեր, յետմիջօրէի ժամը 17-ին, ս. Պետրոս տաճարին մէջ, Ֆրանչիսկոս Պապը
կը գլխաւորէ երեկոյեան ժամասացութիւնը, որուն կը յաջորդէ Սուրբ Հաղորդութեան երկրպագութիւնը
ու ապա <<Փառք ի բարձունս Աստուծոյ>> գոհաբանական աղօթքը, հուսկ` Սուրբ Հաղորդութեան
օրհնութիւնը։ Աւանդութեան համաձայն այս ծիսակատարութեան աւարտին Քահանայապետը ս.
Պետրոսի հրապարակը կ'ուղղուի այցելելու հոն զետեղուած Մսուրը, որուն պաշտօնական բացումը
կատարուեցաւ անցեալ 24 դեկտեմբերին։
Իսկ մէկ Յունուար 2014-ին, խաղաղութեան 47-րդ
համաշխարհային օրուայն առթիւ, որուն այս տարուայ բնաբանն է <<եղբայրութիւնը որպէս խաղաղութեան
հիմ ու ճանապարհ>>, Ֆրանչիսկոս Քահանայապետը, ս. Պետրոս տաճարին մէջ, կը գլխաւորէ հանդիսաւոր
սուրբ պատարագի արարողութիւնը որուն աւարտին կ՛արտասանէ 2014-ի առաջին Հրեշտակ Տեառն
Մարեմեան աղօթքը։ Նշենք թէ առ ի պատրաստութիւն 2014-ի հոկտեմբերին գումարուած` Ընտանիքի
նուիրուած եպիսկոպոսական արտակարգ սիւնհոդոսին, 31 դեկտեմբեր 2013-ի երեկոյեան ժամը 23.15-էն
սկսեալ, Սուրբ Պետրոսի հրապարակի վրայ տեղի կ՛ունենայ աղօթքի հսկում <<ընտանքի եւ աշխարհի
մէջ միութեան ու խաղաղութեան համար>>։ Հսկումը կազմակերպուած է <<ընտանեկան սէր>>
շարժումի նախաձեռնութեամբ որուն բացումը կը կատարէ գերապայծառ Մաթթէօ Ծուփփի` Հռոմի Թեմի
տեղապահ եպիսկոպոս։