Մելքիթներու Յոյն Կաթողիկէ պատրիարքին կոչը Քրիստոնեաներուն չհեռանալ Միջին Արեւելքէն։
''Հոս կ'ուզեմ մնալ Քրիստոսի մասին վկայութիւն տալու` որպէս մարդոց բարեկամը ''։
Յիսուսի
ս. Ծննդեան տօնին առթիւ ուղղած իր պատգամին մէջ, Մելքիթներու Պատրիարք` Գիրգորիս Գ-ը
կը հրաւիրէ քրիստոնեաները չգաղթել Արեւելքէն, ընդգծելով թէ <<առանց քրիստոնէութեան չկայ
արաբականութիւն>>։ Ան միաժամանակ կը հրաւիրէ մահմետականները որ ապրին իրենց հարազատ իսլամութիւնը,
հեռու մնալով քաղաքական ու սալաֆիթ իսլամութենէն։ Արաբական աշխարհը պէտք ունի մեզի եւ
չզրկենք զայն մեր ներկայութենէն ու քրիստոնէական վկայութենէն – ըսաւ Մելքիթներու պատրիարքը
իր պատգամին մէջ - ցաւով յիշեցնելով որ <<Նափլուզի շրջանին մէջ կային 53 քրիստոնեայ
գիւղեր իսկ ներկայիս հոն կը մնան միայն այդ համայնքներու եկեղեցիներն ու գերեզմանները։
Քրիստոնեաները մեկնեցան, տուները թափուր են եւ արտերը անմշակ։