Սուրիահայ Երեխաներու Համար Պիտի Կազմակերպուի Բարեգործական Ցուցահանդէս

Ամերիկայի «Ծնողազուրկ եւ հաշմանդամ երեխաներու Սուրբ Ծնունդ»-ի հայ-ամերիկեան բարեգործական հիմնադրամի նախաձեռնութեամբ` Հայաստանի մէջ ապրող սուրիահայ երեխաներու եւ անոնց ընտանիքներուն համար Յունուար 3-ին, «Արամ Խաչատրեան» համերգասրահին մէջ պիտի կազմակերպուի բարեգործական ցուցահանդէս:
Ըստ «Արմէնփրես»-ի՝ «Հայաստանի ֆիլհարմոնիկ կեդրոն»-ի տնօրէն Լաերտ Մովսիսեանը նշած է, որ Յովհաննէս Բալայեանի ղեկավարած բարեգործական հիմնադրամը հաշմանդամ եւ ծնողազուրկ երեխաներու համար նման ձեռնարկ կ’իրականացնէ արդէն 14-րդ անգամ:
«Ինչպէս միշտ, տօնին կը մասնակցեն մանկատների սաներ, հաշմանդամ եւ անապահով ընտանիքների երեխաներ, կարիքաւոր մանուկներ: Բացի պաշտօնական մաղթանքներից, երեխաները կը դիտեն Աշոտ Ղազարեանի դպրոցի պատրաստած ամանորեայ ներկայացումը, Ձմեռ պապիկից կը ստանան նուէրներ, կ’երգեն, կ’պարեն, կ’ուրախանան»,-նշած է Մովսիսեանը:
Բացի այդ, «Ծնողազուրկ եւ հաշմանդամ երեխաներու Սուրբ Ծնունդ»-ի բարեգործական հիմնադրամը 2014-ի գարնան պիտի աւարտէ Արարատի մարզի Դալար գիւղի մանկապարտէզի հիմնական վերանորոգման աշխատանքները: