Սուրիոյ կառավարութեան պատուիրակութեան հանդիպումը Վատիկանի Պետական Քարտուղար` գերապայծառ
Փարոլինին հետ։
Վատիկանի բանբեր` Հայր ֆետերիքօ Լոմպարտիի հրատարակած մէկ հաղորդագրութիւնը կը յայտնէ
թէ` շաբաթ 28 դեկտեմբերի առաւօտեան, Վատիկանի մէջ տեղի ունեցաւ հանդիպում մը, ընդմէջ
Վատիկանի Պետական Քարտուղար` գերպայածառ Փիեդրօ Փարոլինի, Վատիկանի արտգործ նախարար`
գերապայծառ Տոմինիք Մապերթիի եւ Սուրիոյ Կառավարութիւնը ներկայացնող մէկ պատուիրակութեան
մը, որուն մաս կը կազմէին Տիար Ժոզէֆ Սուէյտ` կառավարական նախարար եւ Հուսամ Էտտին Աալա
Սուրբ Աթոռի մօտ Սուրիոյ երբեմնի դեսպան։ Պատուիրակութիւնը Վատիկանի դիւանագէտներուն ներկայացուց Սուրիոյ կառավարութեան դիրքը, ինչպէս նաեւ Ֆրանչիսկոս Քահանայապետին փոխանցեց Սուրիոյ հանրապետութեան նախագահ` Պաշշար Ասատի` Քահանայապետին ուղղուած մէկ պատգամը։
| All the contents on this site are copyrighted ©. |