Հայաստանի ազգային ողիմպիական կոմիտէն եւ հայկական մարզաշխարհը 2014 թուականի աշնան
պիտի ունենան նոր, քառայարկ ժամանակակից մարզական կեդրոն բոլոր պայմաններով եւ յարմարութիւններով:
Այս մասին Armenpress-ին յայտնած է Հայաստանի ազգային ողլիմպիական կոմիտէի նախագահ Գագիկ
Ծառուկեան: Նոր մարզական կեդրոնը կը կառուցուի Երեւանի Դաւթաշէն թաղամասի մէջ: Անոր
բակին մէջ, իբրեւ խորհրդանիշ եւ ուղեցոյց, արդէն տեղադրուած է հայկական մարզաշխարհի նահապետի`
ողիմպիական խաղերու եւ աշխարհի բազմակի ախոյեան, վաստակաւոր հայ մարմնամարզիկ Հրանդ Շահինեանի
կիսանդրին: Ծառուկեան տեղեկացուցած է նաեւ, որ շուտով Երեւանի “Հրազդան” մարզադաշտի
տարածքին մէջ պիտի տեղադրուին նաեւ “Արարատ-73” խումբի մարզիկներու դիմանկարները, որոնք
կը յաւէրժացնեն ԽՍՀՄ ախոյեաններու եւ գաւաթակիրներու մարզական սխրանքը իրենց հարազատ
մարզադաշտին մէջ: