Էրտողանի որդին ձերբակալելու որոշում տրուած է

Թրքական «Ռատիքալ» օրաթերթը կը հաղորդէ, որ դատախազ Մուամմեր Աքքաշ Թուրքիոյ մէջ փտածութեան հարցով սկսած հետաքննութեան ծիրին մէջ վարչապետ Ռեճեփ Թայիփ Էրտողանի որդին` Պիլալ Էրտողանը ձերբակալելու որոշում տուած է:
Դատախազ Աքքաշի գրած «կոչնագիրին մէջ», Պիլալ Էրտողան իբրեւ կասկածեալ կանչուած է ցուցմունք տալու:
«Գլխաւոր դատախազութեան մէջ քննուող 2012/656 գործի ծիրին մէջ` շահ ստանալու նպատակով յանցաւոր խմբաւորում ստեղծելու եւ խմբաւորման անդամակցելու մեղադրանքով իբրեւ կասկածեալ կանչել դատախազութիւն: Ինքնակամ չներկայանալու պարագային` 146-րդ յօդուածին համաձայն ձերբակալման ենթարկել», ըսուած է «կոչնագիր»-ին մէջ:
Նախապէս Էրտողան յայտարարած էր, որ իր որդին իբրեւ թիրախ ընտրած են, եւ այդ նպատակով անոր ընկերները «յարձակումի ենթարկած են»: