Святы Айцец прывітаў удзельнікаў моладзевай сустрэчы ў Старсбургу
Папа Францішак скіраваў
пасланне да ўдзельнікаў Еўрапейскай сустрэчы моладзі, арганізаванай экуменічнай супольнасцю
Тэзэ. Форум пройдзе з 28 снежня 2013 г. па 2 студзеня 2014 г. у Страсбургу – горадзе
на мяжы паміж Францыяй і Германіяй, у якім з 1949 г. адбываюцца пасяджэнні Савета
Еўропы. У ім прымуць удзел каля 30 тыс. чалавек, у тым ліку каля 1 тыс. вернікаў з
Беларусі. Святы Айцец запэўніў моладзь у сваёй духоўнай блізкасці і нагадаў, што землі
Эльзаса і Латарынгіі, няглядзечы на тое, што на прагягу гісторыі неаднойчы былі сведкамі
канфліктаў, перамяніліся ў сімвал надзеі даўшы пачатак сям’і еўрапейскіх народаў.
Папа Францішак убачыў вялікі сімвалізм у правядзенні сустрэчы моладзі адначасова ў
двух краінах – Францыі і Германіі. Еўропа, на думку Святога Айца, мае патрэбу ў дзейнасці,
адвазе і веры моладзі, каб перамагчы складаныя моманты, якія перажывае.
Звяртаючыся
да тэмы сустрэчы ў Страсбургу – “шукаць бачнага адзінства паміж усімі хто любіць Хрыста”,
Папа адзначыў: “вы ўсведамляеце, што падзелы паміж хрысціянамі з’яўляюцца вялікай
перашкодай для місіі даверанай Касцёлу і, што пераканаўчасць хрысціянскага паслання
будзе большай, калі хрысціяне здолеюць перамагчы падзелы”. Святы Айцец адзначыў, што
падзяляе упэўненасць, у тым, што ад іншых можна навучыцца многаму, а рэальнасцяў для
аб’яднанняў шмат.